Transposición Didáctica

1.  TRANSPOSICIÓN DIDÁCTICA
ACTIVIDADE 1		Identificar os factores físico-químicos máis importantes do ecosistema, os seus valores aproximados e os instrumentos de medida.
	EXERCICIO 1
	Mediante a estrutura 1:2:4, en cada grupo recóllense as ideas previas dos alumnos escribindo unha definición de ecosistema e enumerando a maior cantidade posible de factores abióticos do ecosistema.
	EXERCICIO  2
	En gran grupo, recompilaranse todos os factores abióticos aparecidos nos diferentes grupos. E entre todos descartaranse os que non sexan relevantes para o ecosistema do “Bosque do colexio”. Quedarémonos cun conxunto de factores para traballar todos os grupos.
	EXERCICIO 3
	Por grupos, propoñer valores para os factores abióticos máis relevantes seleccionados.
	EXERCICIO  4
	Por grupos, procura en internet (en webs de meteoroloxía) dos procedementos adecuados para medir os factores temperatura e humidade. E realizar medidas dos valores de temperatura e humidade no bosque do colexio.
	EXERCICIO  5
	Contrastar os datos obtidos de temperatura e humidade coa consulta na web www.meteogalicia.es, comprobando tamén que outros factores son medidos polas estacións meteorolóxicas, as unidades que se empregan, e a forma de amosar a información.